Маңғыстаумұнайгаздағы мерекелік спорт марафоны

Бүгінгі таңда шағын футбол мен волейболдан жеңімпаздар мен жүлдегерлер есімдері анықталды. Жетібай кенорнындағы қызметкерлер арасында өткен волейболдан МГӨК-1 командасы жеңіске жетсе, №5 мектеп (шақырылған команда) жүлделі екінші орынды еншіледі. Әкімшілік басқару құрамасы 3-орынға тұрақтады. Аталған турнирдің үздік байланыстырушысы М.Асаев (ҰБжКЖД), үздік либеро – Ж.Сағынбай (МГӨК-2), үздік шабуылшы – Н. Оразбаев (МГӨК-1) танылды.

«Жетібаймұнайгаз» ӨБ қызметкерлері арасында шағын-футболдан өткен жарыста ҚҚҰЦ мұнайшылары басым болды, екінші орынды ПЖПЖЦ командасы, үшінші орынды –МГӨК-2 еншіледі. Аталған турнирдің үздік қақпашысы Д.Маңғыбаев (ПЖПЖЦ), Үздік қорғаушы – Е. Құлшабаев (ҚҚҰЦ), Үздік шабуылшы –С. Амангелді (МГӨК-2) атанды.

Қаламқас кенорнында (I-ауысым) өткен шағын футбол турнирінің жеңімпазы МГӨК-4 құрамасы болды. "Ардагер-Қаламқас" командасы күміс медаль жеңіп алса, тұғырдың үшінші сатысына МГӨК-2 мұнайшылары көтерілді. Үздік шабуылшы Б.Нұғыманов (МГӨК-4), Үздік қорғаушы – Б. Қоңырбаев (КҚД), Үздік қақпашы – Ж. Байтұрғанов (МГӨК-2) атанды.

Волейболшылар жарысында (I-ауысым) МГӨК-4 командасы жеңімпаз атанды. МГӨК-2 қызметкерлері мен ҚҚҰЦ командасы өзара жүлделі орындарды бөлісті. Аталған турнирдің үздік шабуылшысы- М. Арманд (МГӨК-3), үздік либеро – М.Қонысов (МГӨК-1), Үздік байланыстырушы – К. Есіркепов (ГДТжГЖПЦ) танылды.

Қаламқас кенорнының II-ші ауысым мұнайшылары арасындағы волейболдан жарыста ҚҚҰЦ спортшылары жеңіске жетсе, МГӨК-4 мұнайшылары 2-орын, ГДТжГЖПЦ қола жүлдегер атанды. Үздік шабуылшы – А.Ашыққалиев (ҚҚҰЦ), үздік либеро – Е. Ізбасаров (ГДТжГЖПЦ), Үздік байланыстырушы – И. Рашидов (МГӨК-4) танылды.

Сондай-ақ, волейболдан жарыс "Маңғыстаумұнайгаз" АҚ орталық аппаратының қызметкерлері арасында өтті. Аталған сайыста Қоғам кәсіподағының командасы жеңіске жетсе, 2-орынды қоғам департаменттерінің біріккен командасы иеленді. Өндірістік-техникалық департамент қызметкерлері 3 -орынға жайғасты.

Үздік шабуылшы – А.Рахманұлы (КҚД), үздік либеро – Г. Қайсенова (САжМТЖД), Үздік байланыстырушы – Б. Құлмұрынов (кәсіподақ комитеті).

22-24 қыркүйекте II-ауысымдағы Қаламқас мұнайшыларының арасында шағын футболдан жарыс өтеді.

Сондай-ақ аталған турнир 22 қыркүйекте орталық аппарат қызметкерлері арасында өткізіледі. Ал сенбіде "Маңғыстаумұнайгаз" АҚ барлық қызметкерлері арасында жүзуден жарыс өтпек.